Misbah Yezdî: Hinek ji berpirsyarên dewletî bac dane Amerîkayê

Kurdistanmedia: Misbahê Yezdî û Se’îd Celîlî, êrîşî ser dewletê û Lihevkirina navikî kirin, û dewlet bi tirsa ji welatên Rojavayî û bacdana bi Amerîkayê tawanbar kirin. 
Mihemed Teqî Misbahê Yezdî ku wekî bavê me’newî ê “Cibheya Paydar” tê naskirin, ragehand ku lihevkirina li ser pirsa navikî şaşiyek bû, û berpirsyarên pêwendîdar bac dane Amerîkayê.

Li gora rapora malpera Misbah Yezdî, navbirî ku ji bo xwendekaran daxivî, bi awayekî nerasterast got ku berpirsyarên dewletî di hemberî tehrîmên aborî ên dijmin de serî tewandin. Ew berpirsyarên dewletî (ku mebesta Misbah Yezdî, Rûhanî û berpirsyarên nêzîkî wî ne), ser vê baweriyê ne ku me 40 salan dijminatiya Rojava kiriye, û ew dijminatî bê encam bûye, û hewce ye ku em teslîm bibin.

Her li derheq îmzakirina “bercam”ê de, Se’îd Celîlî ku berpirsayetiya girûpa danûstandinkar li dewleta dehem de li stûyê wî bû, ragehand ku hekî ez serkomarê Îranê bûma, min tu carî “bercam” îmza nedikir. 

Berî niha hinek ji endamên “Cibheya Paydar” di Meclisa Şêvra Îslamiya Îranê de, û hinek ji fermandarên payebilind ên leşkerî, dewlet tawanbar kirin bi vê ku bac dane welatên Rojavayî, û ew lihevkirina wan, lihevkirineke xirab bûye.