ڕیتای جوولەکە بۆتە مۆتەکەی داعش

کوردستان میدیا: گرووپی تێرۆریستیی داعش بەدەست ژنێکی جولەکەوە هاتۆتە زاڵە.

بەپێی ڕاپۆرتە بڵاوکراوەکان، ڕیتا ژنێکی جولەکەیە کە زانیاری لە سەر هێرشە تێرۆریستییەکانی داعش هەیە و زانیارییەکانی ئەو گرووپە تێرۆریستیە بەدەست دێنێت و بەم جۆرە پێش لە کردەوە تێرۆریستییەکانی داعش دەگرێت.

ناوبراو لە ڕێگای دزەکردنی ئینتێرنێتی بۆ ناو ماڵپەرە ئینتێرنێتییەکانی داعش و دەست‌پێڕاگەیشتن بە زانیارییە نهێنییەکانی داعش، پیلان و هێرشەکانیان پووچەڵ دەکاتەوە.

ناوبراو ماڵپەڕی "SITE"ی لە دژی تێرۆریزم دامەزراندووە و کارەکانی خۆیی تێدا بڵاو دەکاتەوە.

داعش لە دوای هێرشەکانی خۆی دەیان کردەوەی جینایەتکارانە و هەژێنەری ئەنجام داوە و بە شێوەیەکی دڕندانە دیلەکانی خۆی دەکوژێت.

گرووپی تێرۆریستیی داعش کوژرانیان بە دەستی ژنەکان لە بەرەکانی شەڕ بە ناشەرعی دەزانێت و ئەوەش ترس و دڵەڕاوکێی خستووەتە نێو ئەندامانی ئەو گرووپە تێرۆریستییە.

لە دوای هێرشی داعش بۆ سەر خاکی کوردستان بەشێکی زۆر لە پێشمەرگەکانی ژن و کچ لە بەرەکانی شەڕ دژی داعشدا شەڕ دەکەن و ئەوەش ترس و ذڵەڕاوکێی داخرانی دەرکەی بەهەشتی لەسەر داعشەکان بۆ دروست کردوون.

داعشەکان کە ژن تەنیا وەک کۆیلەی جنسی و کەنیزەک پێناسە دەکەن، دەبێت لە ترس زیاتر چ هەستێکیان بەرانبەر ژنانی شەڕکەر و هاکێر و بیرمەند هەبێت.