Li Rojavaya Kurdistanê meşeke nerazîbûnê bi rê ve çû

Kurdistanmedia: Li Rojavaya Kurdistanê meşeke nerazîbûnê li dijî xwebirêveberiya Rojavaya Kurdistanê bi rê ve çû.
Piştî vê ku Îbrahîn Biro serokê ENKS’ê ji aliyê Asayişa Rojavaya Kurdistanê ve, ji Rojava hate girtin, û piştre jî hate derkirin, navbirî ragehand ku PYD dixwaze ku bi me re şer bike. 

Biro tekez kir, ku ew dê serdana konsulxaneyên welatên biyanî li Hewlêrê bikin, û wê kiryar û êrîşên Partiya Yekîtiya Demokratîk (PYD) bighînin hemû aliyên navneteweyî, ji bo ku bibin şahidê wan bûyeran, û bi taybet welatên ku niha piştgiriya PYD’ê dikin.Herwisa li Rojavaya Kurdistanê ewê xwepêşandanên nerazîbûnê bi rê ve bibin, 
Ji aliyekî din ve asayişa Rojava êrîşî ser nawendên PDKS’ê kirin, û çend endamên wan hatin girtin.

Lewra tê çaverêkirin ku ew meşa nerazîbûnê ya îro gellek berfirehtir û cudatir ji meşên berê be, û egera derketina pevçûnan jî di navbera Asayişa Rojavaya Kurdistanê û meşvanan de heye, û li gora dawî zanyariyan jî li bajarê Hesekê hinek pevçûn û alozî derketine.

Hêjayî basê ye ku alîgirên ENKS, deshilata Rojavaya Kurdistanbê bi tekrewiyê û bertengkirina azadiyan tometbar dikin.