Du fermanderên payebilind yên rejîma Îranê di Helebê de hatine kuştin
Kurdistanmedia: Di şer û pevçûnên duh yên di navbera hêzên Cêyş El-Feth û hêzên hevalbendên Beşar Esed de, du fermanderên payebilind yên Spaha Quds a rejîma Îranê, hatine kuştin.
Li gor nûçegihaniyan, roja 4’ê Hezîrana 2016’an, di bajarê Helebê de di navbera girûpa Ceyş El-Feth û hêzên Beşar Esed û hevalbendên wî de şer derket, û di encama wî şerî de jî, du fermanderên payebilind yên ser bi Spaha Quds a ser bi rejîma Îranê, hatine kuştin, û hejmareke din ji endamên Spaha Qudsê jî her di wî şerî de bi dîl hatine girtin.
Li gor nûçegihaniyan, roja 4’ê Hezîrana 2016’an, di bajarê Helebê de di navbera girûpa Ceyş El-Feth û hêzên Beşar Esed û hevalbendên wî de şer derket, û di encama wî şerî de jî, du fermanderên payebilind yên ser bi Spaha Quds a ser bi rejîma Îranê, hatine kuştin, û hejmareke din ji endamên Spaha Qudsê jî her di wî şerî de bi dîl hatine girtin.
Herwiha navê wan du leşkerên Îranê wiha hatiye ragehand: Cehangîr Ce’iferniya yek ji fermanderên ser bi hêza taybet a Spaha Quds û herwiha leşkereke din jî bi navê Mihemed Zolfî, ku hatiye kuştin, û tu zanyariyek derbarê pile û paya wî de, li ber dest nîne.
Li gor nûçegihaniyên ser bi rejîma Îranê, fermanderekî din yê hêza taybet a taya 16 a ser bi Spaha Quds bi navê Leşker Gîlan jî di nav kuştiyan de ye.
Herwiha li gor Ajansa Mafê Mirovan a Sûriyê, hindek girûpên çekdar yên Îslamî di Sûriyê de, êrîşan dikin ser binke û baregehên hêzên dewlata Sûriyê, û hevalbendên Beşar Esed di parêzgeha Helebê de, û heriwah di wan êrîşan de derbên giran li hêzên Beşar Esed û hêza Quds a reîma Îranê xistine.
