سوپای توركیا پێگەكانی داعشی لە باكووری حەلەب تۆپباران كرد
كوردستان میدیا: لە وەڵامی بۆردمانی داعشدا بۆ سەر شاری كیلیس لە كوردستانی باكوور، سوپای توركیا بەچڕی شارۆچكەكانی "ئەلباب" و "ئەعزاز"ی لە باكووری حەلەب تۆپباران و بۆردمان كرد.
بە گوێرەی هەواڵی ڕووداو، سەرۆكایەتیی ئەركانی سوپای توركیا ڕایگەیاند، یەكە تۆپهاوێژەكانی سوپای ئەو وڵاتە شارۆچكەی "ئەلباب"یان لە باكووری حەلەب بە چڕی تۆپباران كردووە و هەروەها ٨ فڕۆكەی شەڕكەری F16 بۆردمانێكی چڕی ناوچەی ئەعزازیان كردووە كە لە ئەنجامدا زیانێكی زۆریان بە پێگە نهێنییەكانی داعش گەیاندووە و ژمارەیەك لە چەكدارانی ڕێكخراوی تیرۆریستیی دەوڵەتی ئیسلامییان كوشتووە".
بە گوێرەی هەواڵی ڕووداو، سەرۆكایەتیی ئەركانی سوپای توركیا ڕایگەیاند، یەكە تۆپهاوێژەكانی سوپای ئەو وڵاتە شارۆچكەی "ئەلباب"یان لە باكووری حەلەب بە چڕی تۆپباران كردووە و هەروەها ٨ فڕۆكەی شەڕكەری F16 بۆردمانێكی چڕی ناوچەی ئەعزازیان كردووە كە لە ئەنجامدا زیانێكی زۆریان بە پێگە نهێنییەكانی داعش گەیاندووە و ژمارەیەك لە چەكدارانی ڕێكخراوی تیرۆریستیی دەوڵەتی ئیسلامییان كوشتووە".
رۆژی ١٨ی مارسی ٢٠١٦ داعش بۆ یەكەمجار شاری كیلیس-ی لە كوردستانی باكوور كردە ئامانج. لەو كاتەوە تا ئیستا، هێزەكانی داعش ٥٧ جار بە شێوەیەكی بەردەوام ئەو شارەیان بۆردمان كردووە. بەو هۆیەوە ٢١ هاوڵاتیی سیڤیل كوژراون كە لە نێویاندا ٧ كۆچبەری سووری هەن و ٨٤ كەسی دیكەش بریندار بوون.
دەوترێت بەهۆی ئەو بۆردمانانەوە، خەڵكی شاری كیلیس تووشی دڵەڕاوكێ بوونە، بە جۆرێك كە ڕێژەی ٣٠%ی دانیشتوانی كیلیس شارەكەیان چۆڵ كردووە و بەرپرسانی كارگێڕیی شارەكەش بە ناچاری دەوامی فەرمیی قوتابخانە و فەرمانگە حكومییەكانیان ڕاگرتووە و مۆڵەتی كراوەیان بە فەرمانبەران داوە.
