هەیئەتێکی حیزبی دێموکرات بەشداری لە مەراسمی دامەزراندنی یەکیەتیی نیشتمانیی کوردستان‌دا کرد

کوردستان میدیا: هەیئەتێکی حیزبی دێموکراتی کوردستانی ئێران بە سەرپەرەستی "محەممەدنەزیف قادری" ئەندامی دەفتەری سیاسیی حیزبی دێموکراتی کوردستانی ئێران بەشداری لە ٤١مین ساڵڤەگەڕی دامەزرانی یەکیەتیی نیشتمانی کوردستان‌دا کرد.
ڕۆژی چوارشەممە ڕێکەوتی ١٢ی جۆزەردانی ١٣٩٥ی هەتاوی، هەیئەتێکی حیزبی دیمۆکراتی کورستانی ئێران ، بەسەرپەرەستی "محەممەدنەزیف قادری" ئەندامی دەفتەری سیاسیی حیزبی دیمۆکراتی کورستانی ئێران لە شاری کۆیە بەشداری لە ٤۱مین ساڵیادی دامەزرانی یەکیەتیی نیشتمانیی کوردستانی کرد و لە لایەن "ڕەهبەری سەید برایم" ئەندامی سەرکردایەتی (ی.ن.ک) و ئەندامانی مەڵبەندی ۱٤ی ڕێکخستنی کۆیەی یەکیەتیی نیشتمانیەوە پێشوازییان لێکرا.

لەو مەراسمەدا قادری، پیرۆزبایی حیزبی دیمۆکراتی پێشکەش کردن و هیوای سەرکەوتنی بۆ ئاوات خواستن و لە بەرانبەردا ڕەهبەری سەید برایم سپاس و پێزانینی یەکیەتیی نیشتمانی بە وەڤدی حیزبی دێموکرات ڕاگەیاند و پێی لە سەر بەهێزترکردنی پێوەندی هەر دوولایەن داگرتەوە.