وڵاتە ئیسلامییەكان، تیرۆریزمی ڕێژیمی ئێران و حیزبوڵڵای لوبنانیان مەحكووم كرد
كوردستان میدیا: ڕێبەرانی وڵاتانی ئەندام لە ڕێكخراوی كۆنفرانسی ئیسلامیدا لە ئیستانبۆڵ، لە بەیاننامەی كۆتایی دانیشتنەكانی ئەو ڕێكخراوەدا، ڕێژیمی ئێران و حیزبوڵڵای لوبنانیان بە هۆی تیرۆریزم و هەوڵدان بۆ ئاژاوەنانەوە لە وڵاتەكانیاندا مەحكوم كرد.
بە گوێرەی هەواڵی دویچەوێلە، نوێنەرانی كۆماری ئیسلامی لەو دانیشتنەدا ناڕازیبوونی خۆیان بەرانبەر بە گونجاندنی چوار بەند لە بەیاننامەی كۆتاییدا دژ بە ڕێژیمی ئێران و بەندێك دژ بە حیزبوڵڵای لوبنان دەبڕی، بەڵام لە هەوڵەكانیاندا بۆ لابردن یان گۆڕێنی ئەو بەندانە سەركەتوو نەبوون.
بە گوێرەی هەواڵی دویچەوێلە، نوێنەرانی كۆماری ئیسلامی لەو دانیشتنەدا ناڕازیبوونی خۆیان بەرانبەر بە گونجاندنی چوار بەند لە بەیاننامەی كۆتاییدا دژ بە ڕێژیمی ئێران و بەندێك دژ بە حیزبوڵڵای لوبنان دەبڕی، بەڵام لە هەوڵەكانیاندا بۆ لابردن یان گۆڕێنی ئەو بەندانە سەركەتوو نەبوون.
دوابەدوای شكست لە گۆڕینی ناوەڕۆكی بەیاننامەكەدا و دڵنیابوون لە مەحكوومكرانی ڕێژیمی ئێران، حەسەن ڕۆحانی سەرۆك كۆمار و موحەممەد جەواد زەریف وەزیری دەرەوەی ڕێژیم وەكوو كاردانەوەیەك دژ بە ئەو بەندانە، لە دانیشتنی كۆتاییدا بەشدارییان نەكرد و هۆڵی دانیشتنەكانیان بە جێ هێشت.
بەپێی هەواڵی ئەلعەرەبیە، ڕێكخراوی كۆنفرانسی ئیسلامی لەو بەیاننامەیەدا هێرشی بەكرێگیراوانی بەسیج بۆ سەر ناوەندە دیپلۆماتیكەكانی عەرەبستانی سعوودی لە تاران و مەشهەدی مەحكووم كرد.
بەیاننامەی كۆنفرانسی ئیسلامی هەروەها وێڕای مەحكوومكردنی دەستێوەردانەكانی ڕێژیمی ئێران لە وڵاتانی وەك عێراق، سووریە و لوبناندا هەوڵە تیرۆریستییەكان و تاوانەكانی حیزبوڵڵای لوبنان لە سووریە، یەمەن، بەحرەین و كوەیتیشی مەحكووم كرد.
لە بەشێكی دیكەی بەیاننامەی ئەو ڕێكخراوەدا "دەستێوەردانی ئێران لە كاروباری نێوخۆیی وڵاتانی ناوچە و وڵاتانی ئەندام وەك بەحرەین، یەمەن، سووریە، سۆمالی و درێژەدانی پاڵپشتیی ئێران لە تیرۆریزم" شەرمەزار كراوە.
بەپێی هەواڵی ئەلعەرەبیە، ڕێكخراوی كۆنفرانسی ئیسلامی لەو بەیاننامەیەدا هێرشی بەكرێگیراوانی بەسیج بۆ سەر ناوەندە دیپلۆماتیكەكانی عەرەبستانی سعوودی لە تاران و مەشهەدی مەحكووم كرد.
بەیاننامەی كۆنفرانسی ئیسلامی هەروەها وێڕای مەحكوومكردنی دەستێوەردانەكانی ڕێژیمی ئێران لە وڵاتانی وەك عێراق، سووریە و لوبناندا هەوڵە تیرۆریستییەكان و تاوانەكانی حیزبوڵڵای لوبنان لە سووریە، یەمەن، بەحرەین و كوەیتیشی مەحكووم كرد.
لە بەشێكی دیكەی بەیاننامەی ئەو ڕێكخراوەدا "دەستێوەردانی ئێران لە كاروباری نێوخۆیی وڵاتانی ناوچە و وڵاتانی ئەندام وەك بەحرەین، یەمەن، سووریە، سۆمالی و درێژەدانی پاڵپشتیی ئێران لە تیرۆریزم" شەرمەزار كراوە.
